મહેસાણા : વિસનગર દેણપ રોડ પર આવેલા સુવર્ણ વિલા સોસાયટી પાછળ બુટલેગરો વિદેશી દારૂ કટીંગ કરી રહ્યા હતા.જેની બાતમી મહેસાણા LCBની ટીમને મળતા ટીમે સ્થળ પર જઇ દરોડા પાડી અલગ અલગ કંપનીની વિદેશી દારૂની બોટલો મળી 1 લાખ 35 હજાર નો વિદેશી દારૂ કબ્જે કર્યો હતો.

વિસનગરના દેણપ રોડ પર આવેલ સુવર્ણ વિલા સોસાયટી પાછળના ભાગે ખુલ્લામા ખરબામાં ઠાકોર દીનેશજી ઉર્ફ ગટો વિદેશી દારૂ બહારથી મંગાવી કટીંગ કરતો હોવાની બાતમી મહેસાણા LCB ટીમને મળી હતી.જેથી મહેસાણા એલસીબી ટીમના માણસો બાતમી વાળી જગ્યા પર જઈને જોતા બુટલેગરો વિદેશી દારૂ કટીંગ કરી રહ્યા હતા. પોલીસે દરોડો પાડી બોલેરો ગાડી ના ચાલક ભીમરાવ તેજરામ ડાંગી તેમજ જગદીશ ચંદ્ર દેવાજી સાલવીને વિદેશી દારૂ સાથે ઝડપી લીધા હતા.

સમગ્ર રેડ દરમિયાન પોલીસે 1,35, 522 કિંમતનો વિદેશી દારૂ,બોલેરો ગાડી,બે એક્સેસ કિંમત 1 લાખ ,5 મોબાઈલ કિંમત 26,500 મળી કુલ 7.62 લાખનો  મુદ્દામાલ કબ્જે કરી ઠાકોર દીનેશજી,ઠાકોર સુરેશજી જીતુજી,ઠાકોર અજયજી જીતુજી ને ઝડપવા ચક્રોગતિમાન કર્યા છે.