तळेगाव ढमढेरे-न्हावरा रोड देतोय अपघाताला निमंत्रण
पटौदी इंटरप्राइजेज एवं अलगोजा रिसोर्ट - बूंदी
पटौदी इंटरप्राइजेज एवं अलगोजा रिसोर्ट कीऔर से बूंदी वासियों को दीपावली की हार्दिक बधाई व शुभकामनाएं
-माळवाडी येथे पिकअप उलटल्याने जेष्ठांचा मृत्यू; ठिकठिकाणी गतीरोधक बसवण्याची गरज
आकाश भोरडे
तळेगाव ढमढेरे, प्रतिनिधी:
तळेगाव ढमढेरे (ता. शिरुर) येथील माळवाडी येथे श्रीकृष्ण मंदिरामध्ये पूजा करून रस्त्याने पायी जाणाऱ्या इसमाला पिकअपची धडक बसून इसम ठार होऊन पिकअप उलटल्याची घटना घडली असून सिताराम मारुती भुजबळ असे पूजा करुन चाललेल्या मृत इसमाचे नाव आहे.
तळेगाव ढमढेरे (ता. शिरुर) येथील माळवाडीत असलेल्या कृष्ण मंदिरात पूजा करुन सिताराम भुजबळ पहाटेच्या सुमारास घरी चाललेले असताना तळेगाव ढमढेरे बाजूने न्हावरा दिशेने चाललेल्या एम एच १२ व्ही एफ ३९७६ या पिकअप वाहनाची धडक बसून सिताराम भुजबळ गंभीर रित्या जखमी झाले, दरम्यान पिकअप वाहन रस्त्याचे कडेला उलटले मात्र वाहनचालक वाहन रस्त्याचे कडेला उलटलेल्या अवस्थेत सोडून पळून गेला, यावेळी येथील नागरिकांनी जखमी सीताराम भुजबळ यांना उपचारासाठी शिक्रापूर येथील खाजगी रुग्णालयात आणले असता डॉक्टरांनी सिताराम मारुती भुजबळ (वय ८० वर्षे रा. माळवाडी तळेगाव ढमढेरे ता. शिरुर जि. पुणे) यांचा मृत्यू झाल्याचे जाहीर केले, घडलेल्या घटनेबाबत संपत सिताराम भुजबळ (वय ४० वर्षे रा. माळवाडी तळेगाव ढमढेरे ता. शिरुर जि. पुणे) यांनी शिक्रापूर पोलीस स्टेशन येथे फिर्याद दिल्याने शिक्रापूर पोलिसांनी पिक अप वाहनावरील अज्ञात चालकावर गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस हवालदार राजेश माने हे करत आहे.
