▶️গোৰেশ্বৰত অৱসৰপ্ৰাপ্ত শিক্ষক গোপীকান্ত ডেকাৰ পৰলোক।

বাগসা জিলাৰ গোৰেশ্বৰ ৰাজহ চক্ৰ অন্তৰ্গত গোৰেশ্বৰৰ দলংদিয়া গাওঁ নিবাসী তথা বেতনা মজলীয়া বিদ্যালয়ৰ অৱসৰ প্ৰাপ্ত শিক্ষক গোপী কান্ত ডেকাৰ পৰলোকপ্ৰাপ্তি ৷ ৩ জুন শনিবাৰে সন্ধিয়া প্ৰায় ৭-২০ বজাত তেওঁ ইহলীলা সম্বৰণ কৰে ৷শিক্ষকতা কৰাৰ উপৰিও মহাপুৰুষ শ্ৰীমন্তশঙ্কৰদেৱৰ একনিষ্ঠ সেৱক ইলাৰাম দাসৰ একশৰণ ভাগৱতী সমাজৰ দলংদিয়া শাখাৰ গুৰিয়াল আছিল গোপীকান্ত ডেকা। বেতনাা লগতে গোৰেশ্বৰৰ বিভিন্ন অনুষ্ঠান -প্ৰতিষ্ঠানৰ সৈতে জৰিত আছিল গোপী কান্ত ডেকা। তেওঁ ১৯৯২ চনত বেতনা মজলীয়া বিদ্যালয়ৰ পৰা অৱসৰ গ্ৰহণ কৰে ৷ মৃত্যুৰ সময়লৈকে চাৰিজনী জিয়ৰী , দুজন পুত্ৰ আৰু তিনিগৰাকী নাতি-নাতিনীৰ লগতে আত্মীয় স্বজনক এৰি থৈ গৈছে। তেওঁৰ মৃত্যুত অঞ্চলটোত শোকৰ ছাঁ পৰিছে।