નાલાકુંડ ગામ નજીકથી મોટરસાયકલ ઉપર ઈંગ્લીશ દારૂની હેરાફેરી કરતા બે આરોપીને ઝડપી પાડતી સાગબારા પોલીસ

મળતી માહિતી અનુસાર સાગબારા પોલીસ સ્ટાફના માણસો પેટ્રોલિંગમાં નીકળ્યા હતા દરમિયાન તેઓને બાતમી મળેલ કે નાલાકુંડ ગામ તરફથી મોટર સાયકલ ઉપર ઇંગ્લિશ દારૂની હેરાફેરી થવાની છે. જે બાતમીના આધારે સાગબારા પોલીસ સ્ટાફના માણસો મોજે નાલાકુંડ ગામના ત્રણ રસ્તા પાસે નાકાબંદી કરી વોચમાં હતા. દરમિયાન એક મોટરસાયકલ ગાડી નંબર GJ 16 DJ 2606 નંબરની મોટર સાયકલ ઉપર બે ઈસમ થેલો લઈ આવતા હોય પોલીસ સ્ટાફના માણસોએ મોટરસાયકલ ઉભી રાખી થેલામાં તપાસ કરતા ભારતીય બનાવટના ઇંગ્લિશ દારૂનો મુદ્દા માલ મળી આવ્યો

સાગબારા પોલીસે થેલામાંથી ગેર કાયદેસર વગર પાસ પરમિટના ભારતીય બનાવટના ઇંગ્લિશ દારૂના બિયરના ટીન નંગ 23 કિંમત રૂપિયા 2.300 તથા મોટરસાયકલ કિંમત 20,000 મળી કુલ 22,300 ના મુદ્દા માલ સાથે સદર આરોપી (1) કિરણભાઈ લવજીભાઈ વસાવા તથા (2) મનોજભાઈ જેઠીયાભાઈ વસાવા ને ઝડપી પાડી બંને આરોપીઓ વિરુદ્ધ સાગબારા પોલીસ મથકે કાયદેસર ગુનો દાખલ કરી આગળની કાર્યવાહી હાથ ધરવામાં આવી છે.....