নলবাৰী জিলাৰ বৰভাগৰ প্ৰানকেন্দ্ৰ স্বৰূপ কালাগ হাটখলাৰ কেইবা ঠাইটো বোকাপানী একাকাৰ হোৱাত ৰাইজে যাতায়তত যথেষ্ট দুৰ্যোগ ভোগ কৰিছে৷উল্লেখ্য যে অতিপাত ব্যস্ত ব্যৱসায়ীক স্থান হিচাবে চিহ্নিত কালাগ হাটখলাৰ এনেকুৱা দুৰ্যোগৰ সময়তো কোনো ধৰনৰ ব্যবস্থা নোলোৱা টো অতিপাত দুৰ্ভাগ্যৰ বিষয় বুলি একাংশ ভূক্তভোগি ৰাইজে আক্ষেপ কৰিছে৷বিভিন্ন দল সংগঠনৰ নেতা কৰ্মীৰ জিৰণিৰ ঠাই উক্ত স্থানত বোকাপানী গচকি পথচাৰী অহাযোৱা কৰিব লগা হোৱাটো মনকৰিবলগীয়া বিষয়৷এই সম্পৰ্কে কোনো দল সংগঠনৰ কৰ্মীয়ে মাত মতাটো ৰাইজৰ দৃষ্টি গোচৰ হোৱা নাই বুলি আজি কেইজনমান ভূক্তভোগি ৰাইজে সদৰি কৰিছে৷এই সকল ৰাইজে অনতিপলমে কালাগ হাটখলাৰ বোকাপানী সমূহ আতৰ কৰি যাতায়তৰ উপযোগী কৰাৰ দাবী জনাইছে৷