ડેડીયાપાડાના કંકાલ બસ સ્ટેન્ડ પાસેથી વાહન ચેકિંગ દરમિયાન ચોરીની મોટરસાયકલ સાથે બે ઈસમોને ઝડપી પાડતી LCB નર્મદા
સંદીપસિંહ પોલીસ મહાનિરીક્ષક વડોદરા વિભાગ તથા વિજયસિંહ ગુર્જર ઇન્ચાર્જ પોલીસ અધિક્ષક નર્મદા નાઓ એ જિલ્લામાં બનતા મિલકત સંબંધી ગુનાઓને અંકુશમાં રાખવા અને અનડિટેકટ ગુનાઓને ડિટેક્ટ કરી અસરકારક કામગીરી કરવા માટે આપેલી સૂચના અનુસાર LCB પોલીસ સ્ટાફના માણસો ડેડિયાપાડા પોલીસ સ્ટેશન વિસ્તારના કંકાલ ગામના બસ સ્ટેન્ડ પાસે વાહન ચેકિંગમાં હતા. દરમિયાન એક નંબર વિનાની શંકાસ્પદ હોન્ડા સાઇન મોટરસાયકલ ઉપર બે ઈસમો આવતા પોલીસ સ્ટાફના માણસોએ મોટર સાયકલ ઉભી રાખી ગાડીના કાગળ વિશે પૂછ પરછ કરતા બંને ઈસમો ગલ્લા કલાક કરી કોઈ સંતોષકારક જવાબ નહિ આપતા LCB પોલીસ સ્ટાફના માણસોએ મોટરસાયકલ ના એન્જિન નંબર તથા ચેસીસ નંબર પોકેટ કોપ મોબાઈલ એપ માં સર્ચ કરતા સદર મોટરસાયકલ માલિક નેત્રંગના થવા ગામનો હોવાનુ જાણવા મળેલ
LCB પોલીસ સ્ટાફના માણસોએ મોટરસાયકલ અંગે વધુ તપાસ કરતાં આ મોટરસાયકલ ડેડીયાપાડા પોલીસ સ્ટેશન વિસ્તારમાંથી ચોરી થયેલ હોવાનું જાણવા મળેલ LCB પોલીસ સ્ટાફના માણસોએ સદર મોટરસાયકલ સાથે આરોપી (1) નૂર હુસેન ઉર્ફે ભીખુ સમસુદ્દીન મકરાણી તથા (2) અબ્દુલ મનાન ફતેહ મોહમ્મદ બલુચીને ઝડપી પાડી વધુ તપાસ માટે બંને આરોપીઓને ડેડીયાપાડા પોલીસ મથકે સોંપી આગળની કાર્યવાહી હાથ ધરવામાં આવી છે.....
