গোলাঘাটৰ ফৰকাটিংত দুখনকৈ কয়লাভৰ্তি ট্ৰাক জব্দ ৷ বৃহস্পতিবাৰে নিশা ফৰকাটিং আৰক্ষীয়ে দুখন ট্ৰাকৰ লগতে ড্ৰাইভাৰ, হেন্দিমেনসহ তিনিজনক আটক ৷ উল্লেখ্য যে নাগালেণ্ডৰ পৰা আহি আছিল দুয়োখন কয়লাভৰ্তি ট্ৰাক ৷ ট্ৰাককেইখনৰ ড্ৰাইভাৰে উল্লেখ কৰা অনুসৰি জনৈক নয়ন নামৰ লোকজনৰ ট্ৰাক দুখন বিশ্বনাথ চাৰিআলিৰ এখন চাহ বাগিচালৈ নি আছিল ৷ বৰ্তমান তিনিজনকে ফৰকাটিং আৰক্ষীয়ে সোধপোচৰ বাবে আটক কৰি সোধপোচ অব্যাহত ৰাখিছে ৷ ট্ৰাককেইখনৰ কাগজ পত্ৰ পৰীক্ষা কৰাৰ পিছতহে পোহৰলৈ আহিব সমগ্ৰ তথ্য ৷ট্ৰাককেইখনৰ চালক পল্টন ৰয়, ৰাজেন্দ্ৰ ৰয় আৰু ডাছয় ৰয় বুলি জানিব পৰা গৈছে ৷ বৰ্তমানলৈকে এইক্ষেত্ৰত আৰক্ষীয়ে মন্তব্য দিয়াৰ পৰা বিৰত আছে ৷