২০১২ চনতেই ভূমি অধিগ্ৰহণ কৰা ভূমিৰ প্ৰাপ্য বিছাৰি এইবাৰ গোলাঘাটৰ ৰাজপথত নামিল স্থানীয় লোক ৷ কৃষিজীৱী লোকসকলৰ ম্যাদী পট্টাৰ মাটি পথৰ বাবে নিজ ইচ্ছামতে এৰি দিয়াৰ পিছতো আজিপৰ্য্যন্ত নাপালে ভূমি অধিগ্ৰহণৰ ধণ ৷ যাৰবাবে এতিয়া চৰকাৰলৈ কাতৰ আহ্বান এইসকল ভুক্তভোগী কৃষকৰ ৷ ২০১২ চনতেই ভূমি অধিগ্ৰহণ কৰাৰ পিছতো আজিপৰ্য্যন্ত প্ৰাপ্য ধন নাপায় ক্ষোভ উজাৰিলে সাধাৰন কৃষকসকলে ৷ পুলিবৰৰ পৰা ৰঙাজান সংযোগী প্ৰায় ৭ কিল’মিটাৰ দৈঘ্যৰ পথচোৱা বৰ্তমান পুনৰ নিৰ্মাণত বাধা প্ৰদান ৰাইজৰ ৷ তেতিয়াৰ কংগ্ৰেছ চৰকাৰৰ গড়কাপ্তানী মন্ত্ৰী অজন্তা নেওঁগে এইসকল কৃষক ৰাইজক ভূমি অধিগ্ৰহণৰ ধন শীঘ্ৰেই মুকলি কৰাৰ কথা উল্লেখ কৰিছিল যদিও আজিপৰ্য্যন্ত নোপোৱাত এতিয়া ক্ষোভত ফাটি পৰিছে এইসকল লোক ৷ অঞ্চলটোৰ প্ৰায় পঞ্চাশটা কৃষক পৰিয়ালৰ ভূমি অধিগ্ৰহণ কৰাৰ পিছতো প্ৰায় ১১ কোটি টকা দিবলৈ বাকী থকাৰ কথা উল্লেখ কৰে পৰিয়ালকেইটাই ৷ হাইট্ৰেক নামৰ পথ নিৰ্মাণ সংস্থাটোৱে নিৰ্মাণ কৰা পথটোৰ অৱস্থা অতি শোচনীয় হোৱাৰ পিছত পুনৰ নিৰ্মাণৰ বাবে যো-যা কৰোতেই কাম বন্ধ কৰিলে এইসকল ভুক্তভোগী পৰিয়ালৰ ৷ তেওঁলোকৰ মতে সেইসময়ৰ গড়কাপ্তানি মন্ত্ৰী অজন্তা নেওঁগে আশ্বাস পিছতো আজিপৰ্য্যন্ত অধিগ্ৰহণৰ ধন লাভ নকৰাত এতিয়া মন্ত্ৰীগৰাকীৰ বিৰুদ্ধে ক্ষোভ পৰিয়ালকেইটাৰ ৷