বান সমস্যা আঁতৰিল যদিও বান বিধস্ত পথ মেৰামতি কৰাত লেহেমীয়া হোৱা দেখা গৈছে ছিপাঝাৰত। ছিপাঝাৰৰ দামপুৰ-গণেশকুঁৱৰী সংযোগী পথ চোৱা বানে ছিগি নিছিল যদিও এই পৰ্যন্ত মেৰামতি কৰা হোৱা নাই। যাৰ ফলত উপায়ন্তৰ হৈ ছিৰাজ আলি নামৰ ব্যৱসায়ী গৰাকীয়ে নিজা প্ৰচেষ্টাৰে এই পথটো মেৰামতি কৰি যাতায়াতৰ সুব্যৱস্থা কৰি যাতায়াতৰ উপযোগী কৰি তুলিছে। এই পথটো অতি সোনকালে মেৰামতি নকৰিলে আকৌ অনুপযোগী হৈ পৰিব বুলি স্থানীয় লোকে জনাইছে। এই ক্ষেত্ৰত বিধায়ক পৰমানন্দ ৰাজবংশীৰ হস্তক্ষেপ দাবী কৰিছে অঞ্চলটোৰ ৰাইজে।