গোৰেশ্বৰত আইপিএল জুৱাৰী আটক

বাগসা জিলাৰ গোৰেশ্বৰতো শিপাইছে আইপিএল জুৱাই। বৰ্তমান চলি থকা টাটা আইপিএল খেলক লৈ একাংশ যুৱ চামৰ মাজত শিপাইছে জুৱাই। আজি সন্ধিয়া এক গোপন সূত্ৰৰ পম খেদি গোৰেশ্বৰ আৰক্ষী থানাৰ এছআই প্ৰাঞ্জল বৰুৱা আৰু তন্ময় ডেকাৰ নেতৃত্বত চলা এক অভিযানত দুগৰাকী আইপিএল জুৱাৰী আটক কৰিবলৈ সক্ষম হয়। বেতনা- বটীয়ামাৰীত অভিযান চলাই আৰক্ষীয়ে মণি দাস আৰু দুশাসন নৱ শৰ্মা নামৰ দুজন যুৱকক আটক কৰে। তেওঁলোকৰ পৰা আৰক্ষীয়ে জুৱাত ব্যৱহৃত হোৱা মোবাইল ফোন ,আইপিএল জুৱাৰ আপত্তিজনক নথি, টিকট অদি আৰু লগতে নগদ ৫১৮০ টকা জব্দ কৰে। দুয়োজনকে আৰক্ষী থানালৈ আনি জেৰা চলোৱাৰ লগতে তদন্ত অব্যাহত ৰাখিছে। অঞ্চলটোত চলি থকা এনে অবৈধ জুৱাৰ সৈতে জৰিত ব্যক্তিক আগলৈও আটক কৰা হ’ব বুলি আৰক্ষীৰ সূত্ৰত প্ৰকাশ কৰা হৈছে।