आजकाल लग्न हा केवळ आनंदाचा सोहळा राहिलेला नाही तर त्यातही हटके काहीतरी करण्याचा नवरदेव नवरीचा प्रयत्न असतो.
पटौदी इंटरप्राइजेज एवं अलगोजा रिसोर्ट - बूंदी
पटौदी इंटरप्राइजेज एवं अलगोजा रिसोर्ट कीऔर से बूंदी वासियों को दीपावली की हार्दिक बधाई व शुभकामनाएं
मग त्यासाठी कुणी डेस्टिनेशन वेडिंग करतात तर कुणी विवाह सोहळ्याला काहीतरी हटके लूक देतात. तुम्ही लग्नमंडबात नवरी डान्स करत नवऱ्याला घेऊन आलेले व्हिडिओ पाहिले असतील किंवा नवरा स्टेजवर असताना नवरी त्याच्यासाठी गाण म्हणत आणि डान्स करत स्टेजकडे येतानाचे व्हिडिओ देखील तुम्ही पाहिले असतील.
असे अनेक व्हिडिओ सोशल मीडियावर व्हायरल झाले आहेत. मात्र लग्न मंडपात आपल्या नवरदेवाला थेट बुलेटवर मागे बसवून आलेली एक नवरी पुण्याच्या शिरुरमध्ये चांगलीच चर्चेत आली आहे.
पुण्याच्या शिरूर तालुक्यातील एका नवरीने नवरदेवाला थेट बुलेटवर बसवून लग्नमंडपात एंट्री घेतल्याचा व्हिडीओ समोर आला आहे. या व्हिडिओमध्ये नवरी पुढे बसून बुलेट चावलताना दिसतेय तर तिच्या मागे नवरदेव बसलेला आहे. हा व्हिडिओ सध्या सोशल मीडियावर तुफान व्हायरल होत आहे. शिवाय तिने मराठमोळा साज शृंगारही केला होता आणि 'या' नादखुळया सोहळ्यात संपूर्ण वऱ्हाडी मंडळी नवरीला त्या रूपात पाहून अवाक् झाली. या डेरिंगबाज नवरीचा हा व्हिडिओ शिरूर तालुक्यातील सणसवाडी येथील आहे.
सणसवाडी येथे शितोळे आणि धुमाळ या दोन कुटुंबातील नवरदेव नवरीचा विवाह सोहळा नुकताच संपन्न झाला. पण हा विवाह सोहळा चर्चेत आला तो नवरीने लग्नमंडपात घेतलेल्या हटके एंट्रीमुळे. या ठिकाणी लग्नासाठी वरात घेऊन पोहोचलेल्या नवरदेवाला नवरीने थेट बुलेटवर बसून लग्नमंडपात घेऊन गेली. नवरीने नवरदेवाला बुलेटवर मागे बसून लग्नमंडपात घेतलेली ही एंट्री सध्या चर्चेचा विषय बनली आहे.
नवरीची ही हटके एंट्री या लग्न सोहळ्याचं खास आकर्षण ठरलं. या नवरीमुलीला सर्व वाहने चालवता येत असल्याने शेतकरी बापाने लेकीची हौस पुर्ण करत तिला लग्नात भेट म्हणून एक कार, एक बुलेट आणि दुचाकी दिली. शेतकरी बापाने आपल्या मुलीच्या लग्नाची हौस पूर्ण केली. मुलगी आणि बापाच्या नात्यातील या प्रेमाचं वऱ्हाडी मंडळींनी तोंडभरून कौतुक केलं. या लग्न सोहळ्याची पंचक्रोशित चांगलीच चर्चा रंगली आहे
