ભાવનગર ડમીકાંડ: ભાવનગર પોલીસે ડમી કાંડ માં પોલીસ કોન્સ્ટેબલ અને તેના ભાઈ સહિત વધુ બે આરોપીને ઝડપી લીધા
ફોટો

ભાવનગર: 06-05-2023

ભાવનગર ના બહુચર્ચિત ડમીકાંડ માં ભાવનગર એસ.ઓ.જી. પોલીસે વધુ બે આરોપીઓને ઝડપી લીધા છે. ઝડપાયેલ શખ્સો માં એક પોલીસ કોન્સ્ટેબલ અને બીજો તેનો ભાઈ છે.
ભાવનગર સહિત રાજ્યભરમાં ભારે ચકચારી બનેલા ડમીકાંડ પ્રકરણમાં ભાવનગર એસ.ઓ.જી.પોલીસે આજે વધુ બે આરોપી પોલીસ કોન્સ્ટેબલ દિનેશ બટુકરાય પંડયા અને તેનો ભાઈ ભદ્રેશકુમાર બટુકભાઇ પંડયા (રહે.પીપરલા તા.તળાજા, જિ.ભાવનગર)  ને ઝડપી લીધા છે.
ઝડપાયેલ પોલીસ કોન્સ્ટેબલ દિનેશ પંડ્યા એ તેના ભાઈ ભદ્રેશ ના ડમી તરીકે સેનેટરી ઇન્સ્પેક્ટર ની પરીક્ષા આપી હતી. ડમીકાંડમાં આ બંને વિરુદ્ધ ફરિયાદ થઈ હતી પરંતુ હજુ સુધી આ બંને ફરાર હતા.

ઉલ્લેખનીય છે કે ડમીકાંડ  પ્રકરણમાં પોલીસે અત્યાર સુધી 36 આરોપીને ઝડપી લીધા છે જે તમામ જેલ હવાલે છે. આજે વધુ બે ઝડપાતા અત્યાર સુધી તઝડપાયેલા આરોપી ની સંખ્યા 38 ની થવા પામી છે. હજુ પણ આ ડમીકાંડ પ્રકરણમાં 21 આરોપીઓ પકડાયા નથી.