👉 নুমলিগড়ত ডাম্পাৰে মহটিয়ালে যাত্ৰীবাহী অট' । দুই অট’ আৰোহী নিহত
: গোলাঘাট :২৬ মাৰ্চ
গোলাঘাট জিলাৰ দেওপাহাৰৰ সমীপৰ ৩৯নং ৰাষ্ট্ৰীয় ঘাইপথত আজি এক শোকাবহ দুৰ্ঘটনা সংঘটিত হয় ।নুমলিগড় বাবাথানৰ সমীপত গোলাঘাট দিশৰ পৰা অহা AS05 AC 2434 নম্বৰৰ এখন ডাম্পাৰে বিপৰীত দিশৰ পৰা অহা AS09 AC 8224 নম্বৰৰ এখন যাত্ৰীবাহী অট' গাড়ীক মুখামুখি সংঘৰ্ষ হয় ৷
প্ৰত্যক্ষদৰ্শীৰ মতে খুন্দা মাৰি ডাম্পাৰখন নুমলিগড় দিশে তীব্ৰ গতিৰে পলায়ন কৰে।
দুয়ো খন গাড়ীৰ ভয়াবহ সংঘৰ্ষৰ ফলত যাত্ৰীবাহী অট'খনত থকা কাৰ্বি আংলঙৰ দুজন আৰোহী জুৱেল ইংতি আৰু জেকী ৰংপী থিতাতে নিহত হয় ।
নুমলিগড় আৰক্ষী ঘটনাস্থলিত উপস্থিত হৈ তদন্ত আৰম্ভ কৰি দুৰ্ঘটনা সংঘটিত কৰি পলায়ন কৰা ডাম্পাৰখন নুমলিগড়ৰ পৰা জব্দ কৰিবলৈ সক্ষম হয়।
::
