कोळी बोडखा येथील शेख सनावली बाबा यांच्या उरुसात राडा करणे पडले महागात

"पाचोड पोलीस ठाण्यात आठ जणांविरुद्ध ॲट्रॉसिटीचा गुन्हा दाखल"

पाचोड (विजय चिडे)

पैठण तालुक्यातील कोळी बोडखा येथे तीन दिवसीय सुरू असलेल्या शेख सनावली बाबा यांच्या ऊरुसाला सुरुवात झाली आहे. गुरुवारी (दि.२३) रात्रीच्या वेळी संदल मिरवणूक चालू असताना गावातील एका व्यक्तीला आठ जणांनी जातीवाचक शिवीगाळ केली असल्याने 

याप्रकरणी शुक्रवारी (दि.२४)दुपारच्या दरम्यान पाचोड पोलीस ठाण्यामध्ये आठ जणांविरुद्ध ॲट्रॉसिटीचा गुन्हा दाखल करण्यात आला आहे.

याविषयी पोलिसांनी दिलेली माहिती नुसार,कोळी बोडखा येथील 1) तय्यब दादा शेख, 2) राजु गुलराज पठाण ,3) कलीम रियाज शेख, 4) शिराज बशीर शेख ,5) अलीम बशीर शेख, 6) अरबाज निहाल शेख ,7) शाकेर पठाण 8) शुबान रमजु शेख यांनी गावातील राहुल मगरे याला शेख सनावली बाबा यांचा उरसानिमित संदल मिरवणूक सुरू असताना वरील आठही जण राहुल यास नाचण्यासाठी ओढू लागले असताना त्याने नाचण्यासाठी विरोध दर्शविला त्यामुळे त्याची गचोंडी धरून त्यास लाथा बुक्क्यांनी मारहाण करून त्यास जीव मारायची धमकी दिली. त्याचबरोबर त्यास जातीवाचक शिवीगाळ केली आहे. या प्रकरणी पाचोड पोलीस ठाण्यामध्ये पैठणचे उपविभागीय पोलीस अधिकारी डॉ.विशाल नेहुल यांच्या मार्गदर्शनाखाली गुन्हा दाखल करण्यात आला असून पुढील तपास पोलीस करत आहे.