સુરેન્દ્રનગર જિલ્લાના પાટડીના અખિયાણા ગામ નજીક મજૂરો ભરીને ખેતરે જઈ રહેલા ટ્રેક્ટર સાથે ટ્રક અથડાઈ છે. આ ગમખ્વાર અકસ્માતમાં ટ્રેક્ટર ઉપર આખેઆખી ટ્રક ચડી જતાં બે લોકોનાં ઘટનાસ્થળે જ કમકમાટીભર્યાં મોત નીપજ્યાં છે, જ્યારે ટ્રેક્ટરમાં સવાર 15 જેટલા મજૂરો ઇજાગ્રસ્ત બન્યા છે. ઇજાગ્રસ્તોને લોહીલુહાણ હાલતમાં સારવાર અર્થે 108 એમ્બ્યુલન્સમાં સારવાર અર્થે હોસ્પિટલ લઇ જવામાં આવ્યા હતા. એક મજૂર અને એક મહિલાનું ઘટનાસ્થળે જ કમકમાટીભર્યું મોત નીપજતાં મજૂરોની ચિચિયારીથી હાઇવે ગુંજી ઊઠ્યો હતો.પાટડી તાલુકાના માલવણ હાઇવે પર અખિયાણા ગામ નજીક મજૂરો ટ્રેકટર લઈને મજૂરીકામ અર્થે ખેતરે જઈ રહ્યા હતા, એ સમયે સામેથી માંતેલા સાંઢની માફક પૂરઝડપે આવી રહેલી ટ્રકના ચાલકે અચાનક સ્ટીયરિંગ પરનો કાબૂ ગુમાવી દેતાં ટ્રકનો ટ્રેકટર સાથે ગમખ્વાર અકસ્માત થયો હતો. આ અકસ્માતમાં ઘટનાસ્થળે જ બે લોકોનાં કમકમાટીભર્યાં મોત નીપજ્યાં હતાં, 15થી વધુ મજૂરો ઇજાગ્રસ્ત થયા હતા. ટ્રક અને ટ્રેક્ટર વચ્ચેના અકસ્માતને પગલે ધ્રાંગધ્રા-માલવણ હાઇવે રક્તરંજિત બન્યો હતો.બજાણા પોલીસે તાત્કાલિક ઘટનાસ્થળે પહોંચીને ઇજાગ્રસ્તોને તાત્કાલિક સારવાર અર્થે 108 એમ્બ્યુલન્સ વાનમાં પાટડી સામૂહિક આરોગ્ય કેન્દ્ર ખાતે ખસેડાયા હતા. આ અકસ્માતની ઘટનાની જાણ થતાં લોકોનાં ટોળેટોળાં ઘટનાસ્થળે દોડી ગયા હતા. બજાણા પોલીસ અકસ્માત અંગેનો ગુનો નોંધી વધુ કાર્યવાહી હાથ ધરી છે. આ કેસની વધુ તપાસ બજાણા પોલીસ મથકના પી.એસ.આઈ. ડી.જે.ઝાલા ચલાવી રહ્યા છે. આ ગોઝારા અકસ્માતમાં ટ્રેક્ટરમાં સવાર એક મજૂર અને એક મહિલાનું ઘટનાસ્થળે જ કમકમાટીભર્યું મોત નીપજ્યું હતું

આ અકસ્માતમાં બે લોકોના કમકમાટીભર્યા મોત

(1) પ્રભાબેન અમરતભાઇ પટેલ ( ઉંમર વર્ષ- 52 ) રહે- અખિયાણા

(2) ખોડાભાઇ ભોપાભાઇ ( ઉંમર વર્ષ- 30 ) રહે- સવલાસ

ઇજાગ્રસ્ત મજૂરોના નામ

(1) અમરતભાઇ કેશવભાઇ પટેલ ( ઉંમર વર્ષ- 58 )- અખીયાણા (2) કલ્પેશ કાનજીભાઇ કોલાદરા( ઉંમર વર્ષ- 20 )- સવલાસ (3) તેજલબેન કલ્પેશભાઇ કોલાદરા ( ઉંમર વર્ષ- 19 )- સવલાસ (4) મુન્નાભાઇ રામજીભાઇ ડુમાણીયા ( ઉંમર વર્ષ- 30 )- સવલાસ (5) કાંતાબેન રામજીભાઇ ઠાકોર ( ઉંમર વર્ષ- 65 )- સવલાસ (6) જોષનાબેન મહેશભાઇ ઉડેચા ( ઉંમર વર્ષ- 25 )- સવલાસ (7) વસંતબેન રમેશભાઇ દેત્રોજા ( ઉંમર વર્ષ- 40 )- સવલાસ (8) ગૌવરીબેન કાળુભાઇ ઓડુચા ( ઉંમર વર્ષ- 55 )- સવલાસ (9) લીલાબેન લાખાભાઇ કોલાદરા ( ઉંમર વર્ષ- 52 )- સવલાસ (10) ગીતાબેન રણછોડભાઈ ઠાકોર ( ઉંમર વર્ષ- 50 )- સવલાસ (11) નવઘણભાઇ લાખાભાઇ ઠાકોર ( ( ઉંમર વર્ષ- 19 )- સવલાસ (12) રાધાબેન ધનાભાઇ કલોદરા ( ઉંમર વર્ષ- 12 )- સવલાસ (13) કાંતાબેન પ્રભુભાઇ ઠાકોર ( ઉંમર વર્ષ- 75 )- સવલાસ (14) જેઠાભાઇ અજમલભાઇ ડોસાણી ( ઉંમર વર્ષ- 50 )- સવલાસ (15) મરઘાબેન પ્રવિણભાઇ પટેલ - અખીયાણા ( ગંભીર હાલતમા અમદાવાદ હોસ્પિટલમાં રીફર )