અકસ્માત: પાલનપુરના કાણોદર નજીક પશુ ભરેલા જીપડાલાની ટક્કર વાગતાં ભિક્ષુકનું મોત

પાલનપુર- અમદાવાદ હાઇવે ઉપર કાણોદર નજીક શનિવારે રાત્રે પસાર થઇ રહેલા જીપડાલા નં. જીજે. 08. એયુ. 4403ના ચાલકે અજાણ્યા ભિક્ષુકને ટક્કર મારી હતી. જેનું મોત થયું હતુ. જ્યાં દોડી આવેલા કાણોદરના રાજેન્દ્રસિંહ પરમાર, અમરતજી ઠાકોર સહિત લોકો દોડી આવ્યા હતા. જેમણે તાલુકા પોલીસને જાણ કરતાં દોડી આવેલી પોલીસે મૃતકને પીએમ અર્થે ખસેડયા હતા.જ્યારે જીપડાલામાં ભરેલા 15 પાડાને કતલખાને લઇ જવાતા બચાવી ડીસા કાંટ પાંજરાપોળમાં મુકવામાં આવ્યા હતા. આ અંગે રાજેન્દ્રસિંહ જગાજી પરમારે નાસી છુટેલા જીપડાલાના ચાલક સામે પાલનપુર તાલુકા પોલીસ મથકે ફરિયાદ નોંધાવી હતી.