*খুমটাই সমষ্টিৰ বৰাহী গাওঁ ৰঙ্গমঞ্চত দ্বিতীয় বাৰ্ষিক আন্তৰ্জাতিক নাৰী দিৱসৰ সফল সামৰণি*। সমগ্ৰ বিশ্বৰ লগতে সমানে খোজ মিলাই খুমটাই সমষ্টিৰ বৰাহী গাওঁ ৰঙ্গমঞ্চতো বৰাহী চংকলা মহিলা সকলৰ উদ্যোগত দ্বিতীয় বাৰ্ষিক আন্তৰ্জাতিক নাৰী দিৱসটি ৮মাৰ্চত উদযাপন কৰা হয়। আন্তৰ্জাতিক নাৰী দিৱসৰ লগত সংগতি ৰাখি সামূহিক চাফাই, বৃক্ষৰোপণ, স্মৃতি তৰ্পণ, প্ৰদৰ্শনী, শোভাযাত্ৰা , বন্তি প্ৰজ্বলন, মুকলি সভা অনুষ্ঠিত কৰা হয়। অনিতা কুৰ্মিয়ে আঁত ধৰা মুকলি সভাত উপস্থিত থাকে শিক্ষা বিভাগৰ অৱসৰপ্ৰাপ্ত কৃতি শিক্ষয়িত্ৰী,কবি ,অমিয়া বৰগোহাঁই ফুকন, কৃতি শিক্ষয়িত্ৰী,কবি ,প্ৰতিমা গগৈ, আইনৰ বিভাগৰ অধিবক্তা যোগেশ ভূঞা, স্বাস্থ্য বিভাগৰ ফাৰ্মাচীষ্ট পল্লৱী কুৰ্মি,মেলামৰা মহাবিদ্যালয়ৰ অৱসৰপ্ৰাপ্ত প্ৰবক্তা টংক কমল গগৈ, সমাজকৰ্মী গোলাপ শইকীয়া, দিগন্ত বাইলুং, জিতেন কুৰ্মি আৰু বহুতো গণ্য-মান্য ব্যক্তিসকল উপস্থিত থাকে। এইখন মঞ্চতেই নাৰী সকলৰ সুপ্ত প্ৰতিভা সমূহ বিকাশ কৰিবৰ বাবে নৃত্য, গীত কবিতা পৰিৱেশন কৰে। প্ৰতিবছৰে আদৰ্শ মাতৃৰ সন্মান, আদৰ্শ পত্নীৰ সন্মান প্ৰদান কৰাৰ মানসেৰে অৱসৰপ্ৰাপ্ত কৃতি শিক্ষয়িত্ৰী, কবি অমিয়া বৰগোহাঁই ফুকনক আদৰ্শ মাতৃৰ সন্মান আৰু বিনু কুৰ্মিক আদৰ্শ পত্নীৰ সন্মানৰ সম্বৰ্ধনা প্ৰদান কৰে। শেষত বিভিন্ন সাংস্কৃতিক অনুষ্ঠানেৰে আন্তৰ্জাতিক নাৰী দিৱসৰ সফল সামৰণি পৰে।
