সদৌ অসম গ্ৰাম্য পুথিভঁৰাল সন্থাৰ লখিমপুৰ জিলা গ্ৰাম্য পুথিভঁৰাল সন্থাৰ উদ্যোগত জ্যোতি পুথিভঁৰাল শাখাৰ আতিথ্যত পন্ডিতপ্ৰৱৰ ড° কৃষ্ণকান্ত সন্দিকৈৰ উপজা দিনৰ লগত সংগতি ৰাখি নাৰায়ণপুৰত উদ্‌যাপন কৰা হয় পঢ়ুৱৈ দিৱস ৷ অনুষ্ঠানৰ পুৱা পতাকা উত্তোলন কৰে জিলা গ্ৰাম্য পুথিভঁৰাল সন্থাৰ সভাপতি উপেন কুমাৰ বৰুৱাই ৷  স্মৃতি তৰ্পনৰ অন্তত ছাত্ৰ ছাত্ৰীসকলৰ মাজত চিত্ৰাংকণ আৰু ৰচনা প্ৰতিযোগিতা অনুষ্ঠিত কৰা হয় ৷ ধুৱাহাট বেলগুৰি সত্ৰৰ সত্ৰাধিকাৰ মুনিন্দ্ৰ নাৰায়ণ দেৱগোস্বামীয়ে বন্তি প্ৰজ্বলন কৰি শুভাৰম্ভ কৰা মূল সভাখনত বহুকেইজন বিশিষ্ট ব্যক্তি উপস্থিত থাকে ৷