ખાંભા તાલુકાના વાંગધ્રા ગામે શોર્ટ સર્કિટ ના કારણે ગરીબ પરિવારનું ઘર બળીને થયું રાખ. તા.11/02/2023 ના રોજ ખાંભા તાલુકાના વાંગધ્રા ગામે સવારે 10.00 ની આજુ બાજુ પ્રેમજીભાઈ સાતાભાઈ રાઠોડ મજૂરીએ ગયેલ હોઈ ત્યારે અચાનક વીજળી શોર્ટ સર્કિટ ના કારણે ઘરમાં આગ લાગતાં ઘરવખરી તેમજ રોકડ રકમ સહિત આશરે એક લાખ ની ચીજ વસ્તુઓ બળીને રાખ થઈ ગઈ હતી. ત્યારે આ ગરીબ દલિત પરિવાર માથે જાણે આભ ફાટ્યું હોય તેવી હાલત થઈ હતી.આ વાતની જાણ થતાં ગામના સેવાભાવી યુવા સરપંચ નરેશભાઈ વાવડિયા તાત્કાલિક ધટના સ્થળે દોડી ગયા હતાં અને ગરીબ પરિવારને 5000 રોકડ રકમની આર્થિક મદદ કરી હતી.સરકારશ્રી દ્વારા પણ આ પરિવારને આર્થિક મદદ આપવામાં આવે તેવી પરિવાર દ્વારા માંગ કરવામાં આવી હતી.