બનાસકાંઠા પેરોલ ફ્લો સ્કોડએ 2019ના ચોરીના ગુના આરોપીને ઝડપી પાડ્યો છે. જેમાં દિયોદર કોર્ટના સને 2019ના ચોરીના ગુનામાં ઘણા સમયથી કોર્ટમાં હાજર ન રહેતા આરોપીને બાતમી હકીકતના આધારે મુડેઠા પાસેથી ઝડપી પાડી ઈસમને ભીલડી પોલીસને સોંપી કાયદેસરની કાર્યવાહી હાથ ધરી છે.

પોલીસ મહાનિરીક્ષક , સરહદી રેંજ કચ્છ - ભુજ જે.આર.મોથલીયા તેમજ અક્ષયરાજ, પોલીસ અધિક્ષક બનાસકાંઠા જીલ્લાનાઓએ નાસતા ફરતા આરોપીઓ પકડવા સારું આપેલ સૂચના અંતર્ગત આર.એસ.લશ્કરી પો.સબ.ઇન્સ પેરોલ ફર્લો સ્કોડ પાલનપુરનાઓના માર્ગદર્શન મુજબ પેરોલ ફર્લો સ્કૉડ પાલનપુરની ટીમ નાસતા ફરતા આરોપીઓની તપાસમા હતી દરમિયાન ટીમ ને મળેલ ખાનગી હકીકત આધારે દિયોદર કોર્ટના સને 2019 ના ચોરીના ગુનામાં ઘણા સમયથી કોર્ટમાં હાજર ન રહેતા આરોપી સંજયજી બાબુજી દરબાર રહે મુડેઠા ડીસાવાળાને મુડેઠા મુકામે થી ઝડપી પાડી આગળની કાર્યવાહી કરવા ભીલડી પોલીસ સ્ટેશન સોંપવામાં આવેલ છે. જોકે, ભીલડી પોલીસે સમગ્ર મામલે વધુ તપાસ હાથ ધરી છે.