પાવીજેતપુર તાલુકાના ઝરી ગામે ખેતરમાં ઘાસમાં છુપાવેલો ૫૬,૭૩૬/- નો વિદેશી દારૂ પકડી પાડતી કદવાલ પોલીસ
પાવીજેતપુર તાલુકાના ઝરી ગામેથી બાતમી આધારે કદવાલ પોલીસે રેડ કરી ખેતરમાં ઘાસ નીચે છુપાવેલ ૫૬,૭૩૬/- નો વિદેશી દારૂ પકડી પાડી કાયદેસરની કાર્યવાહી હાથધરી છે.
પાવીજેતપુર તાલુકા ની કદવાલ પોલીસ, કદવાલ બીટ વિસ્તારમાં પેટ્રોલિંગમાં નીકળેલ હતી તે સમયે તેઓને વાતમી હકીકત મળી હતી કે ઝરી ગામે નાનકાભાઈ ટીનિયાભાઈ રાઠવાના કબજાના ખેતરમાં ઘાસ નીચે વિદેશી દારૂ છૂપાવેલ છે. જે પાકી બાતમી મળતા કદવાલ પોલીસે પોલીસ સ્ટાફ સાથે રેડ કરતા ખેતરમાંથી ઘાસ નીચે સંતાડેલ ભારતીય બનાવટના વિદેશી દારૂના પ્લાસ્ટિકની બોટલ ૧૨૦ તથા ૧૮૦ મી.લી. કાચની નાની બોટલો નંગ ૨૪ મળી કુલ ૧૪૪ બોટલો કિંમત રૂપિયા ૫૬,૭૩૬/- નો મુદ્દા માલ કબજે કરી, રેડ દરમિયાન હાજર ન રહી ફરાર થઈ ગયેલ નાનકાભાઈ ટીનિયાભાઈ રાઠવા વિરુદ્ધ કદવાલ પોલીસે કાયદેસરની કાર્યવાહી હાથ ધરી છે.
આમ, પાવીજેતપુર તાલુકાના ઝરી ગામે થી ખેતરની અંદર ઘાસમાં છુપાવેલ ૫૬,૭૩૬/- નો વિદેશી દારૂ કદવાલ પોલીસે પકડી પાડી ફરાર આરોપી વિરુદ્ધ કાયદેસરની કાર્યવાહી હાથ ધરી છે.
