સોજા હાઈસ્કૂલના ઉપક્રમે માર્ગ સલામતી સપ્તાહની ઉજવણી..

ગાંધીનગર જિલ્લાના માણસા તાલુકાની લબ્ધ પ્રતિષ્ઠિત શૈક્ષણિક સંસ્થા શેઠ એચ. એમ. સાર્વજનિક હાઈસ્કૂલ, સોજા ના ઉપક્રમે તા. ૧૧/૦૧/૨૦૨૩ થી તા. ૧૭/૦૧/૨૦૨૩ દરમિયાન માર્ગ સલામતી સપ્તાહ ની ઉજવણી કરવામાં આવી હતી.

શાળાના રાષ્ટ્રીય સેવા યોજના (NSS)ના બાળકો દ્વારા સંચાલિત સદર અભિયાનના ભાગરૂપે શાળાના તમામ અધ્યેતાઓ માટે ટ્રાફિક નિયમન સબબ માર્ગદર્શન સૂચનો-અભિપ્રાયો -મંતવ્યો રજૂ કરવામાં આવ્યા હતા. શાળાના સારસ્વતશ્રી ગણપતભાઈ ગોહિલ દ્વારા માર્ગ સલામતી અને ટ્રાફિક સમસ્યાઓ તથા વિવિધ સંજ્ઞાઓ વિશે સુંદર સમજ પૂરી પાડવામાં આવી હતી.

વાહનવ્યવહાર અને માર્ગ સલામતી સબબ એક વ્યાખ્યાન પ્રવચનમાળા આયોજીત કરવામાં આવી હતી જેમાં વિવિધ તજજ્ઞોએ સવિશેષ માહિતી આપી હતી એમ એક અખબારી યાદીમાં શાળાના સારસ્વતશ્રી રાકેશ પ્રજાપતિ જણાવે છે.