সোণাৰিত আন্তঃক্লাৱ শক্তি উত্তোলন প্ৰতিযোগিতা।

প্ৰভাত অনুশীলন শৰীৰ চৰ্চা কেন্দ্ৰৰ উদ্যোগত সোণাৰিত চৰাইদেউ জিলা আন্তঃক্লাৱ শক্তি উত্তোলন প্ৰতিযোগিতা অনুষ্ঠিত হয়। চৰাইদেউ জিলা শক্তি উত্তোলন সন্থা আৰু স্থানীয় ৰাইজৰ সহযোগত তৃতীয় বাৰ্ষিক চৰাইদেউ জিলা আন্তঃক্লাৱ শক্তি উত্তোলন প্ৰতিযোগিতা ২০২২ ৰ অনুষ্ঠান সোণাৰিৰ মধ্য পাৰ্বতীপুৰ ক্ৰীড়া-সাংস্কৃতিক কেন্দ্ৰত অনুষ্ঠিত কৰা হয়। পুৱা পাতকা উত্তোলন কৰে জিলা সহকাৰী আয়ুক্ত সমুজ্জল বৰাই। উল্লেখ্য যে চৰাইদেউ জিলাৰ প্ৰায় দহৰো অধিক শৰীৰ চৰ্চা কেন্দ্ৰয়ে এই প্ৰতিযোগিতাত অংশগ্ৰহণ কৰে। এই প্ৰতিযোগিতাৰ পৰাই জানুৱাৰীত তেজপুৰত অনুষ্ঠিত হ'ব লগা ৰাজ্যিক ভিত্তিত শক্তি উত্তোলন প্ৰতিযোগিতাত প্ৰতিযোগী বাচনি কৰা হ'ব।