পিলীকা ষ্টান্ট মাষ্টৰৰ বিৰুদ্ধে সোণাৰি আৰক্ষীৰ অভিযান
চৰাইদেউ জিলাৰ সদৰ সোণাৰি নগৰৰ উপৰিও ইয়াৰ দাঁতিকাষৰীয়া স্থান সমূহত দ্ৰুত গতিত বাইক চলোৱাৰ উপৰিও ষ্টান্ট কৰি আতংকৰ সৃষ্টি কৰা চেঙেলীয়া বাইকাৰৰ দল এটাৰ বিৰুদ্ধে আজি সোণাৰি আৰক্ষীয়ে অভিযান চলাই বাইক সহ আটক কৰিবলৈ সক্ষম হয়।
বাইক ষ্টান্ট কৰি ইতিমধ্যে কেইটাও দূৰ্ঘটনা সংঘটিত কৰা এটা বাইক ষ্টান্ট কৰা কিশোৰৰ দলটোক আজি সন্ধিয়া হাতে লুটে ধৰিবৰ বাবে আৰক্ষীয়ে নগৰখনৰ বৰাহী চাৰিআলিত খাপ পিটি দলটোক আটক কৰিবলৈ সক্ষম হয় । কিশোৰ কেইটাই ষ্টান্ট কৰা চাৰিখন বাইক জব্দ কৰি আৰক্ষীৰ দলটোৱে সোণাৰি থানালৈ লৈ আহে । বাইক ষ্টান্টত ব্যৱহাৰ কৰা এখন বাইকৰ নম্বৰ প্লেট ফল্ডিং হিচাপে লগাই ৰখা আছিল। আৰক্ষীয়ে খেদিলে নম্বৰ প্লেটখন চিটৰ তল লৈ সোমোৱাই দিছিল।
