চৰাইদেউ জিলাৰ শিলাসাকো লাহন গাওঁত অগ্নিকাণ্ড: কথমপি ৰক্ষা কেইবাটাও পৰিয়াল ।
টেঙাপুখুৰী আৰক্ষী চকীৰ অন্তৰ্গত লাহন গাওঁৰ লোহিত কোঁৱৰ নামৰ লোক জনৰ বাসগৃহৰ কাষতে জমা কৰি ৰখা ধান খেৰত আজি হঠাৎ অগ্নিকাণ্ডৰ সূত্ৰপাত ঘটে । লগে লগে শুকান খেৰৰ জুইয়ে ভয়াবহ ৰূপ ধাৰণ কৰে । স্থানীয় ৰাইজে লগে লগে অগ্নিনিৰ্বাপক বাহিনীক খবৰ দিয়াত নাজিৰা আৰু সোণাৰিৰ পৰা যোৱা দুখন অগ্নি নিৰ্বাপক বাহিনীৰ বাহনে দুঘন্টাৰ চেষ্টাৰ অন্তত জুই নিয়ন্ত্ৰণ কৰিবলৈ সক্ষম হয় । কাষতে থকা কেইবাটাও পৰিয়াল কথমপি ৰক্ষা পৰে ।
