লাচিত বৰফুকনৰ ৪০০ বছৰীয়া জন্ম জয়ন্তীৰ লগত সংগতি ৰাখি নলবাৰী জিলা প্ৰশাসনৰ সৌজন্যত আজি বৰভাগত পুতলা নাচ(পাপেট থিয়েটাৰ)প্ৰদৰ্শন কৰে৷আজি দিনৰ ভাগত বৰভাগৰ ৰাইমাধাৰ ফকৰুদ্দিন আলি আহমেদ এম ই মাদ্ৰাছা চৌহদত পুতলা নাচ প্ৰদৰ্শন কৰি ছাত্ৰছাত্ৰী সমন্বিতে অজস্ৰ ৰাইজক আপ্পুট কৰে৷

আজিৰ পুতলা নাচ প্ৰদৰ্শন উদ্বোধন কৰে বৰভাগ ৰাজহচক্ৰৰ চক্ৰ বিষয়া জীতেন্দ্ৰ টাইডে৷অনুষ্ঠানত নলবাৰী জিলা তথ্য জনসংযোগ বিষয়া চুম্পী চুতীয়াও উপস্থিত থাকে৷পুতলা নাচ উপভোগ কৰিবলৈ অঞ্চলটোৰ কেইবাখনো বিদ্যালয়ৰ ছাত্ৰছাত্ৰী আৰু ৰাইজে ভীৰ কৰে৷আজি ৰাইমাধাৰ পিচতে আৰিকুছি বজাৰ চকতো পুতলা নাচৰ প্ৰদৰ্শন কৰি ৰাইজৰ প্ৰশংসা বুতলিবলৈ সক্ষম হয়৷৷