બગસરામાં રહેતા એક પ્રૌઢે તેમનું બાઇક સથવારા સમાજની વાડી પાસે પાર્ક કર્યુ હતું. જેની ડિકીમાં રૂપિયા ૫૦ હજાર ભરેલું પર્સ હતું. જેની કોઇ ગઠિયો ઉઠાંતરી કરી ગયો હતો. આ અંગે મુળજીભાઈ દેવજીભાઈ મહીડા (ઉ.વ.૬૩)એ અજાણ્યા ચોર ઇસમ સામે ફરિયાદ નોંધાવી હતી. પોલીસમાં જાહેર થયેલી વિગત પ્રમાણે, તેમણે તેમની મોટર સાઇકલ બગસરા સથવારા સમાજની વાડીના પૂર્વ બાજુના ગેઇટની બહાર પાર્ક કરી હતી. જેની ડિકીમાં રોકડા રૂ.૫૦,૦૦૦એક પાકીટમા રાખેલા હતા. અજાણ્યો ઇસમ મોટર સાયકલની ડિકીમાંથી રૂ.૫૦ હજાર રાખેલું પર્સે ઉઠાવીને છુમંતર થઈ ગયો હતો.