અમરેલી જિલ્લામાં દારૂની રેલમછેલ થતી રોકવા પોલીસ દિવસ રાત કામગીરી કરી રહી છે. આ દરમિયાન અમરેલી શહેરમાંથી પોલીસે ભિક્ષાવૃત્તિ કરતાં એક યુવક પાસેથી ભારતીય બનાવટના વિદેશી દારૂની ૨૯૬ બોટલ જપ્ત કરી હતી. કિન્નર અબ્દુલ ઉર્ફે જુલી મહમદભાઇ વલીભાઇ કુરેશી (ઉ.વ.૩૫)ના રહેણાંક મકાનેથી ભારતીય બનાવટના જુદી જુદી બ્રાન્ડના વિદેશી દારૂની ૨૯૬ નંગ બોટલ, તથા મોબાઇલ ફોન મળી કુલ ૬૧,૩૪૫ રૂપિયાનો મુદ્દામાલ જપ્ત કર્યો હતો. અમરેલી સિટી પોલીસ સ્ટેશનના એ.એસ.આઈ નિકુલસિંહ કિરતસિંહ જાડેજા વધુ તપાસ કરી રહ્યા છે. વંડામાં એક યુવક પાસેથી ૪ લીટર દેશી દારૂ મળ્યો હતો. જિલ્લામાં વિવિધ સ્થળેથી ૧૪ લોકો પીધેલી હાલતમાં ફરતા મળી આવ્યા હતા.