रत्नागिरी : रत्नागिरी जिल्हा पोलीस दलातर्फे पोलीस स्मृतीदिनी बँक पथकामार्फत भावपूर्ण आदरांजली वाहण्यात आली. शहीद पोलीस अधिकारी, कर्मचारी यांच्याबाबत सर्वसामान्य जनतेत संवेदनशीलता निर्माण व्हावी, नागरिकांच्या मनात शहीदांच्या हौतात्म्याची जाणीव होण्यासाठी हा उपक्रम राबविण्यात आला. पोलीस अधिकारी, कर्मचारी शहीद झाल्याच्या घटना सर्वसामान्य नागरिकांपर्यंत योग्य रितीने पोहोचविणे आवश्यक आहे. पोलीस महासंचालकां-मार्फत राज्य पोलीस दलाला स्मृती दिनानिमित्त सार्वजनिक ठिकाणी कार्यक्रमाचे आयोजन करावे, असे सुचित करण्यात आले होते. त्यानुसार रत्नागिरी जिल्हा पोलीस दलाच्या बँड पथकामार्फत रेल्वेस्टेशन, मारूतीमंदिर, रामनाका, मांडवीबंदर येथे कार्यक्रमाचे आयोजन करण्यात आले होते. नागरिकांकडून या कार्यक्रमाला उत्स्फूर्त प्रतिसाद मिळाला. अनेकांनी बँड शोचा आस्वाद घेतला.