ગાંધીનગર જિલ્લાના માણસા તાલુકાના દેલવાડા ગામે આજ રોજ વિષ્ણુભાઈ દવજીદાસ પટેલ અને અ. સૌ. સવિતાબેન વિષ્ણુભાઈ પટેલના જીવન પર્વનો ભવ્ય સમારોહ યોજાયો હતો.

સરસ્વતી ઈલેક્ટ્રીક વર્કસ એન્ડ સ્ટીલ ના નામે જાણીતા વેપારી એવા વિષ્ણુભાઈના પરિવાર દ્વારા આયોજિત સદર કાર્યક્રમમાં સાયલા (ભગતનું ગામ) નિવાસી લાલજી મહારાજની જગ્યાના મહંતશ્રી દુર્ગાદાસજી મહારાજ આશીર્વચન પાઠવવા ખાસ ઉપસ્થિત રહ્યા હતા. સંતશ્રી અને જેના જીવન પર્વની ઉજવણી થઈ રહી છે એવા દંપતીને શોભાયાત્રા સ્વરૂપે સમગ્ર ગામમાં ફેરવવામાં આવ્યાં હતાં.

આ પાવન પર્વ નિમિત્તે સગાંસંબંધીઓ સહિત સમગ્ર ગામના પરિવારજનોને સ્વરૂચિ ભોજન-પ્રસાદ માટે આમંત્રિત કરવામાં આવ્યા હતા. આમંત્રિત મહેમાનો અને સ્નેહીજનોએ દંપતીને અભિવાદિત કર્યાં હતાં એમ એક અખબારી યાદીમાં સમાજસેવી રાકેશ પ્રજાપતિ જણાવે છે.