तालुक्यातील तांबाराजूरी येथील माजी सैनिक अशोक नानासाहेब तांबे यांची कन्या प्रगती अशोक तांबे याची एम.बी.बी.एस. या वैद्यकीय, शिक्षणासाठी विलासराव देशमुख शासकीय वैद्यकीय महाविद्यालय, लातूर येथे निवड झाली आहे.

कु. प्रगती अशोक तांबे हिने जिद्द, चिकाटी आणि ध्येयाने प्रगतीने शैक्षणिक क्षेत्रामध्ये उंच अशी शैक्षणिक भरारी घेतलेली आहे. तिच्या या शैक्षणिक यशामुळे तांबाराजुरीतील विद्यार्थ्यांसमोर एक आदर्श निर्माण झाला आहे. कु.प्रगती तांबे हिने प्रगतीचा आदर्श डोळ्यासमोर ठेवून पाटोदा तालुक्यातील तांबाराजुरी गावाचे नावलौकिक केले आहे. अत्यंत हालाखीच्या परिस्थितीमध्ये अशोक नानासाहेब तांबे यांनी आपले बारावीपर्यंत शिक्षण पूर्ण करून भारतीय सैन्य दला मध्ये नोकरी मिळवली आणि त्यांनी गरीबी ही शाप नसून एक आव्हान आहे. अशा जिद्दीने अशोक तांबे मेजर यांनी देशाची सेवा केली. अशोक तांबे मेजर नेहमी सांगत असतात की आपल्या पिढीने आपल्यापेक्षा पुढील पदावर यश मिळवावे आणि त्यांचे खूप मोठे स्वप्न होते की आपली मुलगी एम.बी.बी.एस. व्हावी नक्कीच प्रगतीने स्वतःचे आणि आपल्या आई वडिलांचे स्वप्न पूर्ण केलेले आहे. प्रगती तांबे हिला वेळोवेळी मार्गदर्शन शिक्षक, तिचे आई, वडील यांचे लाभलेले आहे.पाटोदा तालुक्यातील सामाजिक राजकीय शैक्षणिक धार्मिक आरोग्य प्रशासकीय औद्योगिक अशा विविध क्षेत्रातील मान्यवरांकडुन कु.प्रगती अशोक तांबे याचे कौतुक केले जात आहे.