সদৌ অসম ভাৰত্তোলন সন্থাৰ উদ্যোগত গুৱাহাটীৰ ভোগেশ্বৰী ফুকননী ইণ্ডোৰ ষ্টেডিয়ামত অনুষ্ঠিত হোৱা পঞ্চাশতম অসম ৰাজ্যিক ভাৰোত্তলন প্ৰতিযোগিতাখন দেওবাৰে সফল সামৰনি হয়। এই প্ৰতিযোগিতাত অংশগ্ৰহণ কৰা দল সমূহৰ ভিতৰত ছোৱালীৰ শাখাত ধেমাজি জিলাৰ দলে শ্ৰেষ্ঠ দলৰ সন্মান লাভ কৰাৰ বিপৰীতে পুৰুষ শাখাত চৰাইদেউ জিলা দলে শ্ৰেষ্ঠ দলৰ সন্মান লাভ কৰে। চৰাইদেউ জিলাৰ দলটোৱে আন্তঃৰাষ্ট্ৰীয় পৰ্যায়ৰ প্ৰশিক্ষক অনুপ কোঁৱৰৰ তত্বাৱধানত প্ৰতিযোগিতাত অংশগ্ৰহণ কৰিছিল। ৰাজ্যৰ আটাইকেইখন জিলাৰ ভাৰোত্তলক খেলুৱৈ সকলে অংশগ্ৰহণ কৰা প্ৰতিযোগিতাৰ বঁটা বিতৰণী অনুষ্ঠানত অসম ভাৰোত্তলন সন্থাৰ সভাপতি বসন্ত দাস, সম্পাদক ভৱজ্যোতি গোস্বামী, উপ সভাপতি তথা সোণাৰি সমষ্টিৰ বিধায়ক ধৰ্মেশ্বৰ কোঁৱৰৰ লগতে বহু কেইগৰাকী বিশিষ্ট অতিথি উপস্থিত থাকি পদক বিজয়ী সকলক ট্ৰফি প্ৰদান কৰে।