সদ্যঘোষিত অসম লোকসেৱা আয়োগৰ পৰীক্ষাত অৱতীৰ্ণ হৈ ৩৮ তম স্থান লাভ কৰিবলৈ সক্ষম হোৱা সোণাৰিৰ অভিলাষ বৰুৱাৰ সাফল্যত উৎফুল্লিত সকলো। সোণাৰিৰ নাফুক গাঁৱৰ বাসিন্দা অভিলাষ বৰুৱাই নাফুক অঞ্চলৰ প্ৰথমগৰাকী এপিএছ হিচাপে উত্তীৰ্ণ হোৱাত অভিনন্দন জনাইছে বিভিন্ন জনে। আনহাতে নিজৰ সফলতাত সন্তুষ্টি লাভ কৰা অভিলাষ বৰুৱাই স্বচ্ছ আৰু নিকা ভাৱে এপিএছচি পৰীক্ষা অনুষ্ঠিত কৰা বাবে চৰকাৰক ধন্যবাদ জনোৱা লগতে আগন্তুক দিনত একাগ্ৰতাৰে নতুন প্ৰজন্মক এই পৰীক্ষাত অৱতীৰ্ণ হ'বলৈ আহ্বান জনাইছে। ইফালে নিজ সন্তানৰ সাফল্যত অত্যন্ত সুখ প্ৰকাশ কৰিছে অভিলাষ বৰুৱাৰ মাতৃয়েও।