আজি বিশ্বনাথ জিলাৰ বলোডঙ্গা ফুটবল খেলপথাৰত বলোডঙ্গা ফুটবল ক্লাবৰ সৌজন্যত সুনিল ভূমিজ আৰু দিৱজ্যোতি দাসৰ চলন্ত ট্ৰফী ফুটবল প্ৰাইজমানি প্ৰতিযোগিতা আজিৰে পৰা অাৰম্ভ কৰা হয়। এই চলন্ত ট্ৰফী ফুটবল প্ৰতিযোগিতাত মুখ্য অতিথি হিচাপে বিশ্বনাথ সমষ্টিৰ বিধায়ক প্ৰমোদ বৰঠাকুৰ উপস্থিত থাকি ৰঙাফিতা কাটি খেলৰ শুভ উদ্যোধন কৰে। উক্ত ফুটবল খেলত খেলিব অহা নিৰ্মলা চাহ বাগিচা ফুটবল ক্লাব আৰু প্ৰতাপগড় চাহ বাগিচা ফুটবল ক্লাৰৰ দুই খেলুৱৈ দলক উৎসাহভৰা বক্তব্যৰে উৎসাহ প্ৰদান কৰে।

তাৰ পিছতে ঝুমুৰ নৃত্যৰে নিৰ্মলা চাহ বাগিচা আৰু প্ৰতাপগড় চাহ বাগিচা প্ৰথম খেলখন আৰম্ভ হোৱাৰ পিছত দুই দলৰ মাজত ধুনিয়া খেল প্ৰদৰ্শনত প্ৰতাপগড় চাহ বাগিচা ফুটবল দলে নিৰ্মলা চাহ বাগিচা ফুটবল দলক দুই গলত পৰাজিত কৰি প্ৰতাগড়ে বিজয় হবলৈ সক্ষম হয়।

আজিৰ এই খেলত স্থানিয় বিধায়ক প্ৰমোদ বৰঠাকুৰ, চাহ মৰ্চা ৰাজ্যিক সভাপতি দিগন্ত ঘাটোৱাৰ , সাকোমঠা চাহ বাগিচাৰ উপ পৰিচাৰক চম্পক শৰ্মা, বি নিউজৰ সত্বাধাৰি দিব্যজ্যোতি বৰুৱা লগতে আছুৰ বিশ্বনাথ জিলাৰ সভাপতি বিক্ৰম বিকাশ বৰা, আগছু কেন্দ্ৰীয় উপ সভাপতি দিলীপ গজুৰেল আটছা বিশ্বনাথ শাখাৰ সভাপতি মহেশ ছেত্ৰী লগতে অন্য সংগঠনৰ বিষয়ববীয়া সকল লগতে বহু গণ্যমান্য ব্যক্তিৰ আৰু স্থানিয় ৰাইজ উপস্থিত থাকি খেলৰ আনন্দ উপভোগ কৰে।