બોટાદના કાનીયાડ ખાતે રાજ્યકક્ષાના મંત્રી શ્રી વિનોદભાઈ મોરડીયાના હસ્તે જી.આઇ.ડી.સીનું ભૂમિપૂજન
------------------
આજે બોટાદના કાનીયાડ ખાતે રાજયકક્ષાના મંત્રીશ્રી વિનોદભાઈ મોરડીયાનાં હસ્તે જી.આઈ.ડી.સી.ની ભૂમિપૂજન વિધિ કરવામાં આવી હતી. બોટાદમાં આશરે ૧૦૦ એકર જમીનમાં જી.આઈ.ડી.સીનું નિર્માણ કરવામાં આવશે. આ જીઆઇડીસીના નિર્માણ થકી જિલ્લાનાં શહેરી વિસ્તારોમાં વસતાં લોકો તેમજ નાના-નાના ગામડાઓમાં રહેતા લોકોને પણ રોજગારીની વિશાળ તકો મળી રહેશે. આ પૂજનમાં ધારાસભ્યશ્રી સૌરભભાઈ પટેલ, જિલ્લા ભાજપ પ્રમુખશ્રી અરવિંદભાઈ વનાળિયા, જિલ્લા કલેક્ટરશ્રી બી.એ.શાહ, નિવાસી અધિક કલેક્ટરશ્રી મુકેશભાઈ પરમાર સહિતના પદાધિકારીઓ-અધિકારીઓ ઉપસ્થિત રહ્યાં હતાં.
