কলিয়াবৰৰ বাগৰি আৰক্ষীৰ বিৰুদ্ধে অবৈধভাৱে ধন সংগ্ৰহৰ অভিযোগ। ঘটনা অনুসৰি শনিবাৰে নিশা কাজিৰঙাৰ হালধিবাৰীৰ গোলাঘাট জিলা সীমান্তত থকা এখন হোটেলত ৰৈ আছিল লালীগুড় ভৰ্তী AS02CC 3222 নম্বৰৰ এখন ট্ৰাক। প্ৰথমে তিনিজন যুৱকে ট্ৰাকখনৰ চালক হেণ্ডীমেনৰ পৰা ধনদাবী কৰে।ধন দিবলৈ অনিচ্ছা প্ৰকাশ কৰাত পৰৱৰ্তী সময়ত হোটেলখনত উপস্থিত হয় বাগৰি আৰক্ষী।আৰক্ষীয়ে ভয় ভাবুকি প্ৰদান কৰাত ৩৫০০ টকা দিবলৈ বাধ্য হয় ট্ৰাকৰ চালক হেণ্ডীমেনে। উল্লেখ্যে যে কাজিৰঙাৰ হালধিবাৰী এলেকাতো বোকাখাতৰ কহঁৰা আৰক্ষী চকীৰ অধীনৰ তেনেস্থলত নগাও জিলাৰ বাগৰি আৰক্ষীয়ে এনেকৈ ধন সংগ্ৰহ কৰাত প্ৰশ্নৰ সৃষ্টি হৈছে।পৰৱৰ্তী সময়ত কহঁৰা আৰক্ষীয়ে বিষয়টো অৱগত হোৱাত ট্ৰাকখন থানালৈ নিয়াত প্ৰয়োজনীয় সকলো নথি পত্ৰ থকাৰ কথা পোহৰলৈ আহে।