सिल्लोड : राज्याचे पाणीपुरवठा मंत्री गुलाबराव पाटील १७ ऑक्टोबर रोजी सिल्लोड दौऱ्यावर येणार आहेत . त्यांच्या हस्ते जलजीवन मिशनअंतर्गत तालुक्यातील विविध ठिकाणच्या पाणीपुरवठा योजनांचे भूमिपूजन होणार आहे . या कार्यक्रमाच्या अध्यक्षस्थानी कृषिमंत्री अब्दुल सत्तार यांची उपस्थिती राहणार आहे . गुलाबराव पाटील यांच्या दौऱ्याच्या निमित्ताने पूर्वतयारीसंदर्भात गुरुवारी उपनगराध्यक्ष अब्दुल समीर यांच्या अध्यक्षतेखाली शहरातील सेना भवन परिसरात प्रमुख कार्यकर्त्यांच्या उपस्थितीत आढावा बैठक घेण्यात आली .