રાજુલા માં પંજાબ અમૃતસર વેસ્ટના નવજોતસિંઘ સિધ્ધુ ને હરાવનાર આમ આદમી પાર્ટીના ધારાસભ્ય શ્રીમતી જીવન જયોત કૌર દ્વારા શહેરના વેપારીઓને ગેરંટી કાર્ડની પત્રીકાઓ વહેચી અને પત્રિકા મારફતે શહેરમાં કર્યો ચુંટણી પ્રચાર

રાજુલા શહેરમાં પંજાબ અમૃતસર વેસ્ટના આમ આદમી પાર્ટીના ધારાસભ્ય જીવન જયોત કૌર રાજુલા ખાતે આવ્યા હતા. ત્યારે આમ આદમી પાર્ટી નાં સાગરભાઈ ડાભીયા અને તેની પાર્ટી દ્વારા ભવ્ય સ્વાગત કરવામાં આવ્યું હતું. 

અને રાજુલાના આગરીયા જકાતનાકા થી માર્કેટિંગ યાર્ડ સુધી ભવ્ય રેલીનું આયોજન કરવામાં આવ્યું હતું. અને રેલી દરમિયાન રાજુલા શહેરના વેપારીઓને ગેરંટી કાર્ડની પત્રિકાઓ મારફતે પ્રચાર કરવામાં આવ્યો હતો. અને ગુજરાતમાં આમ આદમી પાર્ટીની સરકાર બનશે તો તેમની વિવિધ યોજનાના લોકોને વાયદા અને વચનો આપવામાં આવ્યા હતા. અને આપના કાર્યકર્તાઓ રેલીમાં જોડાયા હતા. અને રાજુલા પોલીસ દ્વારા ચુસ્તપણે બંદોબસ્ત ગોઠવવામાં આવ્યો હતો. ત્યારબાદ બાપા સીતારામ ચોક ખાતે આમ આદમી પાર્ટી દ્વારા જાહેર સભાનું આયોજન કરવામાં આવ્યું હતું જેમાં આમ આદમીના પાર્ટીના કાર્યકર્તા અને લોકો ઉપસ્થિત રહ્યા હતા..

રિપોર્ટર. ભરતભાઇ ખુમાણ રાજુલા/ અમરેલી.