रत्नागिरी : शहरातील शिरगाव येथे बेकायदेशीरपणे गावठी दारुची विक्री करणाऱ्याच्या विरोधात शहर पोलिस ठाण्यात गुन्हा दाखल करण्यात आला आहे. ही कारवाई रविवार ९ ऑक्टोबर रोजी सायंकाळी ६.४० वा. करण्यात आली. योगेश सुनील आंबेकर (३३, रा. शिरगाव, रत्नागिरी) असे गुन्हा दाखल करण्यात आलेल्या संशयिताचे नाव आहे. त्याच्याविरोधात पोलिस नाईक मनोज बंडू लिंगायत (३४, रा. रत्नागिरी) यांनी तक्रार दिली आहे. त्यानुसार रविवारी सायंकाळी योगेश बेकायदेशीरपणे घडशीवाडी ते कुंभारवाडी जाणाऱ्या कच्च्या रस्त्यावर बेकायदेशीरपणे गावठी दारूची विक्री करत असताना ही कारवाई करण्यात आली. त्याच्याकडून २५० रुपयांची ५ लिटर दारू जप्त करण्यात आली.