औरंगाबाद : दोन घरांवर दरोडा टाकून तब्बल एक लाख 33 हजार 600 रुपयांचा ऐवज लांबवल्याप्रकरणी स्थानिक गुन्हे शाखेच्या पथकाने दरोडेखोरांपैकी एकाला अटक केली . आजब्या महादु भोसले ( 27 , रा . अंतापुर गायरान ता . गंगापुर ) असे आरोपीचे नाव आहे . त्याला 12 ऑक्टोबरपर्यंत पोलिस कोठडीत ठेवण्याचे आदेश प्रथम वर्ग न्यायदंडाधिकारी एस . एस . घोडके यांनी दिले . पळसवाडी ( ता . खुलताबाद ) येथे राहणारे महेश चांगदेव म्हसरुप ( वय -40 ) हे 30 जून रोजी रात्री जवेणकरुन कुटूंबासह झोपी गेले होते . मध्यरात्रीनंतर घरासमोरील पत्र्याच्या रूम मध्ये झोपलेल्या फिर्यादीच्या वडीलांचा ओरडन्याचा आवाज आल्याने फिर्यादीसह सर्व कुटूंब पत्र्याच्या रुमकडे आले असता पाच दरोडेखोरांनी त्यांना घेरले . दरोडेखोरांच्या हातात चाकू , कुर्हाड , कोयता अशी हत्यार होती . फिर्यादी व त्यांच्या भावाच्या गळ्याला हत्यार लावीत दरोडेखोरांनी फिर्यादीसह त्यांच्या भावाच्या पत्नीचे , मुलींचे दागिने , घरातील रोख असा सुमारे एक लाख 14 हजार 600 रुपयांचा ऐवज चोरुन नेला .