পুনৰ আহোমৰ ঐতিহ্যত কুঠাৰঘাত। আহোম ৰাজত্বকালৰ গৌৰৱময় ঐতিহ্যত দুষ্কৃতিকাৰীৰ হাতোৰা। ঐতিহাসিক লাংকুৰী দৌলৰ মাটি খনন দুষ্কৃতিকাৰীৰ। তাৰ পাছতো কানসাৰ নাই ৰাজ্যিক প্ৰত্নতত্ব সঞ্চালকালয়ৰ। ৰাজ্যিক প্ৰত্নতত্ব সঞ্চালকালয়ৰ অধীনস্থ লাংকুৰী দৌলৰ মাটি বেদখল কৰাৰ সমান্তৰালকৈ বাৰম্বাৰ মাটি খনন অব্যাহত থকাৰ পাছতো চকুমুদা কুলিৰ ভাৱত বিভাগীয় কৰ্তৃপক্ষ। উল্লেখ্য যে আহোম স্বৰ্গদেউ সকলে যিসকল উপাস্য দেৱতাক সেৱা আগবঢ়াইছিল সেইসকলৰ ভিতৰত মুখ্য দেৱতা আছিল ''লাংকুৰী"। কিন্তু অতি পৰিতাপৰ কথা যে দীৰ্ঘদিন ধৰি অসংৰক্ষিত হৈ থকাৰ ফলত লাংকুৰী দৌলৰ ভগ্নাৱশেষ হাবি-জংঘলেৰে আৱৰি থকাৰ লগতে মাটিত পোত খাই থকা পৰিলক্ষিত হৈছে। ইয়াৰ পৰিপ্ৰেক্ষিতত লাংকুৰী দৌলৰ সংৰক্ষণ সন্দৰ্ভত বিভাগীয় কৰ্তৃপক্ষৰ স্থিতি স্পষ্ট কৰিবলৈ আটাছু চৰাইদেউ মহকুমা সমিতিয়ে দাবী উত্থাপন কৰিছে।