ৰাষ্ট্ৰীয় শক্তি উত্তোলন প্ৰতিযোগিতাত চৰাইদেউৰ যুৱকৰ অংশগ্ৰহণ। 

চৰাইদেউ জিলাৰ প্ৰভাত অনুশীলন শৰিৰ চৰ্চা কেন্দ্ৰৰ যুৱক ৰাজেশ শৰ্মায়ে মহাৰাষ্ট্ৰৰ ভদ্ৰবাদী চন্ৰপুৰত অনুষ্ঠিত হ'ব লগা ৰাষ্ট্ৰীয় পৰ্যায়ৰ শক্তি উত্তোলন প্ৰতিযোগিতাত অসমৰ দলৰ হৈ অংশগ্ৰহণ কৰিবলৈ সুযোগ লাভ কৰিছে। আজি চৰাইদেউ জিলাৰ সোণাৰি স্থিত প্ৰভাত অনুশীলন শৰিৰ চৰ্চা কেন্দ্ৰত ৰাজেশ শৰ্মাক কেন্দ্ৰটোৰ বিষয়ববীয়া সকলে শুভেচ্ছা জনাই। উল্লেখ্য যে বিগত সময়ত সদৌ অসম ভিত্তিত শক্তি উত্তোলনৰ বিভিন্ন প্ৰতিযোগিতাত কেইবাটাও সোণৰ পদক আৰু শ্ৰেষ্ঠ ক্ৰিয়া শক্তি প্ৰদৰ্শনেৰে দুবাৰকৈ শ্ৰেষ্ঠ শক্তি উত্তোলক পদক লাভ কৰিবলৈ সক্ষম হৈছিল আৰু এই সফলতা লাভৰ পৰাই তেখেতে অহা ১০ অক্টোবৰৰ পৰা ১৬ লৈকে সৰ্ব ভাৰতীয় পৰ্যায়ত ৰাষ্ট্ৰীয় শক্তি উত্তোলন প্ৰতিযোগিতাত অসমৰ হৈ অংশগ্ৰহণ কৰিবলৈ সুযোগ লাভ কৰিছে।