बीड दि.04 (प्रतिनिधी)- शिवसेनेचे मुख्य नेते तथा मुख्यमंत्री एकनाथ शिंदे यांच्या मुंबई येथील बीकेसी मैदान येथे होणाऱ्या दसरा मेळाव्यास बीड जिल्ह्यातून 100 बस गाड्या जाणार असल्याची माहिती शिवसेना जिल्हाप्रमुख कुंडलिक खांडे, सचिन मुळक यांनी दिली आहे.

महाराष्ट्राचे लोकप्रिय तथा शिवसेनेचे मुख्य नेते एकनाथ शिंदे यांच्या नेतृत्वाखाली शिवसेनेचा दसरा मेळावा मुंबईत आयोजित करण्यात आला आहे. या दसरा मेळाव्यात शिवसेनाप्रमुख स्व. बाळासाहेब ठाकरे यांच्या आणि धर्मवीर स्व. आनंदजी दिघे साहेबांच्या विचारांना पुढे घेऊन जाणारे लोकनेते मुख्यमंत्री एकनाथ शिंदे यांनी महाराष्ट्राला नव्या प्रगतीपथावर घेऊन जाण्यासाठी प्रयत्न केले आहे. स्व. ठाकरे साहेब आणि स्व. दिघे साहेब यांच्या स्वप्नातील महाराष्ट्र घडवण्यासाठी मुख्यमंत्री शिंदे साहेबांचे हात बळकट करण्यासाठी मुंबई येथे दसरा मेळावा आयोजित करण्यात आला असून या मेळाव्याला बीड जिल्ह्यातून १०० बस गाड्या भरून शिवसैनिक उपस्थित राहणार असल्याची माहिती जिल्हाप्रमुख कुंडलिक खांडे सचिन मुळक यांनी दिली आहे.

सदरील बसेस बीडच्या शिवसेना संपर्क कार्यालय नगर रोड बीड येथून जाणार आहेत या बसेस साठी आणि मुंबईचा दसरा मेळाव्यात सहभागी होण्यासाठी शेख अरबाज- 8888906091, भाऊ खांडे- 8804051001, अनिकेत खांडे - 8485861068 या क्रमांकावर संपर्क साधावा असे आवाहन खांडे यांनी केले आहे.