रत्नागिरी : गंभीर किंवा मोठमोठ्या गुन्हयांतील आरोपींच्या पोटात भीतीचा गोळा उठेल, अशी कार्यवाही जिल्हा मुख्य व सत्र न्यायाधीशांकडून सुरू झाली आहे. गंभीर गुन्हयातील साक्षीदारांना न्यायालयात निर्धास्तपणे साक्ष देता यावी यासाठी न्यायदान कक्ष निर्माण करण्यात येणार आहे. या न्यायदान कक्षात आरोपीला साक्षीदार आणि साक्षीदाराला आरोपी समोरासमोर पाहू शकणार नाही, अशी या न्यायदान कक्षाची रचना केली जाणार आहे.
महावीर कुल्फी सेन्टर की और से बूंदी वासियों को दीपावली की हार्दिक बधाई व शुभकामनाएं
मोठमोठ्या गुन्ह्यातील साक्षीदार भीतीने फुटणे किंवा फितुर होतात. यामुळे त्या गुन्ह्याच्या खटल्यावर परिणाम होऊन याचा फायदा आरोपीला होत असतो. साक्षीदार आरोपींना घाबरून किंवा जबरदस्तीने होणाऱ्या प्रलोभनांना बळी पडल्याने गंभीर गुन्हयातील आरोपींचे फावते. यातून गुन्हेगारीला प्रोत्साहन मिळण्याची भीती असते.
न्यायालयात जेव्हा खटला चालतो आणि साक्ष होते तेव्हा आरोपी आणि साक्षीदार समोरासमोर असतात. अशा वेळी साक्षीदारावर मानसिक दबाव येऊन साक्ष बदलली जाण्याचीही शक्यता असते. या पार्श्वभूमीवर जिल्हा मुख्य व सत्र न्यायाधीश एम. क्यू. एस. एम. शेख यांनी अशा असुरक्षित साक्षीदारांच्या जबानीसाठी आवश्यक सुविधांसह नवीन न्यायदान कक्षाचे बांधकाम करण्याचे नियोजन केले आहे. याबाबतचा २० लाख रूपये खर्चाचा आराखडा सार्वजनिक बांधकाम विभागाकडून बनवण्यात आला आहे.
रत्नागिरीतील न्यायालयाच्या जुन्या इमारतीत तळमाळ्यावर हे नवीन न्यायदान कक्ष आवश्यक सुविधांसह साकारले जाणार आहे. या न्यायदान कक्षामध्ये साक्षीदार कोण आहे, हे आरोपीला दिसणार नाही, अशी रचना असणार आहे. येथेच न्यायाधीशांची केबिन, कोर्टरूममध्येच डायस असणार आहे. सार्वजनिक बांधकाम विभागाने २० लाख रूपये खर्चाचे अंदाजपत्रक बनवले असून, यावर गुरूवारी सार्वजनिक बांधकाम अभियंता आणि न्यायाधीशांची बैठक होऊन चर्चा झाली. सार्वजनिक बांधकाम विभागाने केलेल्या या अंदाजपत्रकाला न्यायालयाच्या फंडातून किंवा जिल्हा नियोजन समितीकडून निधी उपलब्ध होण्यासाठी प्रयत्न सुरू आहेत.
