"মৰিগাঁও মোৰ সপোন মৰিগাঁও মোৰ আপোন" এই মন্ত্ৰৰে অহা ১৪ আৰু ১৫ অক্টোবৰত দুদিনীয়াকৈ বৰ্ণাঢ্য কাৰ্যসূচীৰে মৰিগাঁও স্কুল খেলপথাৰত অনুষ্ঠিত হব মৰিগাঁও জিলা দিৱস। ১৯৮৯ চনৰ ১৪ অক্টোবৰত জিলা হিচাপে ঘোষণা কৰা মৰিগাঁও জিলাই ৩৩ বছৰ সম্পূৰ্ণ কৰি ৩৪ বছৰত ভৰি দিব । সেই উপলক্ষে মৰিগাঁও জিলা প্ৰশাসনে জিলাবাসীৰ সহযোগত বিস্তৃত ৰূপত জিলা দিৱসটি পালনৰ কাৰ্যসূচী হাতত লৈছে । জিলাখনৰ গৌৰৱগাঁথাৰ অতীত ৰোমন্থন আৰু সৰ্বদিশতে বিকাশৰ পৰিকাঠামো নিৰ্মাণৰ পৰিকল্পনাৰে অনুষ্ঠিত হব লগা জিলা দিৱসৰ কাৰ্যসূচীত সাস্কৃতিক শোভাযাত্ৰা, গ্ৰন্থমেলা, থলুৱা খাদ্যমেলা, প্ৰদৰ্শনী, যুবছাত্ৰ সমাৰোহ, জাতি জনগোষ্ঠীৰ নৃত্য গীত, আদিৰ লগতে বিভিন্ন গুৰুত্বপূৰ্ণ বিষয়বস্তুক সামৰি গাম্ভীৰ্য্যপূৰ্ণ অনুষ্ঠানৰ আয়োজন কৰিছে।