बीड (प्रतिनिधी) बीड पोलीस दलात पोलीस कर्मचारी असलेले शेख अन्वर शेख अब्दुल रउफ (वय 35 रा. भालदार पुरा बीड) हे आज दि. 29 रोजी हजरत शहंशाह वली दर्गा येथे बंदोबससाठी असताना त्यांना रात्री 9 वाजण्याच्या सुमारास अचानक अस्वस्थ वाटू लागल्याने त्यांना खाजगी रुग्णालयात उपचारासाठी दाखल करण्यात आले होते. उपचार सुरू असताना त्यांचे निधन झाले. शेख अन्वर हे मनमिळाऊ स्वभावाचे असल्याने बीडमध्ये सर्व परिचित होते. त्यांचे अशे अचानक जाण्याने मित्र परिवार सह पोलीस दलात हळहळ व्यक्त होत आहे. शेख अन्वर यांचे पश्चात आई, पत्नी, एक मुलगा, एक मुलगी, चार भाऊ असा मोठा परिवार आहे. त्यांचा दफनविधी आज शुक्रवार रोजी 2:30 शहंशाह वली कब्रस्तान येथे होणार आहे.