औरंगाबाद :- (दीपक परेराव)प्रतिवर्षीप्रमाणे मुंबई येथे शिवतीर्थावर दिनांक ५ ऑक्टोबर रोजी "दसरा मेळावा" मोठ्या दिमाखात, उत्साहात आणि जोमाने साजरा करण्यात येणार आहे. या मेळाव्यात शिवसेना पक्षप्रमुख माननीय उद्धवजी ठाकरे साहेब संबोधित करणार आहे.
औरंगाबाद संभाजीनगर जिल्ह्यातून मोठ्या संख्येने शिवसैनिक जाणार असून या दसरा मेळावाच्या पूर्वतयारीनिमित्त संभाजीनगरात दिनांक ३० सप्टेंबर शुक्रवार रोजी पूर्व ,पश्चिम, मध्य विधानसभा मतदार संघाच्या बैठकांचे आयोजन करण्यात आले असल्याचे शिवसेना जिल्हाप्रमुख विरोधी पक्ष नेता अंबादास दानवे यांनी कळविले आहे.
शिवसेना नेते चंद्रकांत खैरे, संपर्कप्रमुख विनोद घोसाळकर, महिला आघाडी संपर्कप्रमुख आमदार मनीषाताई कायंदे यांच्या मार्गदर्शनाखाली बैठका होत आहेत. यात संभाजीनगर पूर्व मतदार संघाची बैठक तिरूमला मंगल कार्यालय या ठिकाणी सकाळी १०:०० वाजता होणार आहे. त्याचप्रमाणे औरंगाबाद संभाजीनगर मध्य विधानसभा मतदारसंघाची बैठक सकाळी ११:३० वाजता शिवसेना संपर्क कार्यालय क्रांतीचौक या ठिकाणी होणार आहे. तसेच औरंगाबाद संभाजीनगर पश्चिम विधानसभा मतदारसंघाची बैठक दुपारी १:०० वाजता शिवसेना संपर्क कार्यालय क्रांती चौक या ठिकाणी होणार आहे. या बैठकीस उपशहरप्रमुख, विभागप्रमुख, उपविभागप्रमुख, शाखाप्रमुख, उपशाखाप्रमुख, शिवसेना पदाधिकारी, आजी-माजी लोकप्रतिनिधी, महिला आघाडी, युवा सेना, सर्व अंगीकृत संघटनांचे पदाधिकारी यांनी मोठ्या संख्येने उपस्थित राहण्याचे आवाहन शिवसेना जिल्हाप्रमुख, विरोधी पक्ष नेता आमदार अंबादास दानवे, जिल्हाप्रमुख राजू राठोड, सह संपर्कप्रमुख त्रंबक तुपे, महानगरप्रमुख किशन तनवाणी, उपजिल्हाप्रमुख संतोष जेजुरकर, अनिल पोलकर, जयवंत ओक, आनंद तांदुळवाडीकर, विनायक पांडे, राजेंद्र राठोड, बप्पा दळवी, शहरप्रमुख विश्वनाथ स्वामी, बाळासाहेब थोरात, विजय वाघचौरे, ज्ञानेश्वर डांगे, पूर्व विधानसभा संघटक राजू वैद्य, गोपाल कुलकर्णी, सुशील खेडकर, तालुकाप्रमुख बाळासाहेब गायकवाड, महिला आघाडी जिल्हा संघटिका प्रतिभा जगताप, संपर्क संघटिका सुनिता आऊलवार, सहसंपर्क संघटिका सुनिता देव, उपजिल्हा संघटिका जयश्री लुंगारे, मीना फसाटे,नलिनी बाहेती, अनिता मंत्री, अंजली मांडवकर ,शहर संघटिका विद्या अग्निहोत्री, प्राजक्ता राजपूत, आशा दातार, भागू आक्का शिरसाट, विधानसभा संघटक मीराताई देशपांडे, नलिनी महाजन, लक्ष्मी नरहिरे, युवा सेना उपसचिव ऋषिकेश खैरे यांनी केले आहे.
