নুমলীগড়ৰ কাষৰীয়া দেইথৰত বন্যহস্তীৰ আক্ৰমণত নিহত মহিলা।

নুমলীগড়ৰ সমীপৱৰ্তী দেইথৰ টেৰাঙ গাঁৱৰ ঘটনা এইয়া । চাহ বাগিচাত কাম কৰি থকা অৱস্থাত "কাডু টিচৌপি" নামৰ এগৰাকী মহিলাক বন্যহস্তীয়ে আক্ৰমণ কৰে । বাগিচাত হাতীয়ে বহু দূৰ খেদি মহিলা গৰাকীক আক্ৰমণ কৰে বুলি প্ৰত্যক্ষ দৰ্শীয়ে অৱগত কৰিছে । মহিলাগৰাকীক তাৎক্ষণিকভাৱে সমীপৰ ভি কে এন আৰ এল চিকিৎসালয়লৈ আনে যদিও চিকিৎসকে মৃত ঘোষনা কৰে । উল্লেখ্য যে দীৰ্ঘদিন ধৰি অঞ্চলটোত বন্যহস্তীৰ সন্ত্ৰাস অব্যাহত আছে ।