নামনি মাজুলীৰ আগশাৰীৰ বহুমুখী সাংস্কৃতিক মহাবিদ্যালয় আৰু সাংস্কৃতিক ক্ষেত্ৰ মাজুলীৰ সহযোগত ১০ জুলাইৰ পৰা অনুষ্ঠিত সত্ৰীয়া নৃত্য আৰু খোল বাদন কৰ্মশালাৰ সামৰণি পৰে ৷ এই উপলক্ষে অনুষ্ঠিত সামৰণি অনুষ্ঠানত ন শিকাৰু সকলে পৰ্দশন কৰা সত্ৰীয়া নৃত্য আৰু খোংবাদনে উপস্থিত সকলোকে আপ্লুত কৰে। এই উপলক্ষে অনুষ্ঠিত আয়ম্বৰপূৰ্ণ সভাখনৰ সভাপতিত্ব কৰে পীতাম্বৰ দেৱ গোস্বামী মহাবিদ্যালয়ৰ প্ৰবক্তা ভৱেন কাকতিয়ে ৷ শংকৰজ্যোতি বহুমুখী মহাবিদ্যালয়ৰ উপাধ্যক্ষা ইভাৰানী গোস্বামীয়ে আঁট ধৰা সভাৰ বন্তি প্ৰজ্বলন কৰে বিৰেন শৰ্মাই ৷ বিদ্যালয়ৰ ছাত্ৰছাত্ৰী সকলৰ বৰগীতিৰে সভাৰ শুভাৰম্ভ হয় ৷ মুখ্য অতিথি হিচাপে বক্তব্য ৰাখে মাজুলী জিলা সাহিত্য সভাৰ প্ৰাক্তন সম্পাদক ৰমেশ চন্দ্ৰ শইকীয়াই ৷ অনুষ্ঠানত ঝমুৰ নৃত্য ,গোপী নৃত্য পৰ্দশিত কৰে ছাত্ৰছাত্ৰীয়ে ৷ বহুকেইজন বিশিষ্ট অতিথিয়ে অংশগ্ৰহণ কৰা সভাখন ৰাষ্ট্ৰীয় সংগীতেেৰে সামৰণি পৰে ৷