দুই বিজেপি বিধায়কৰ নেতৃত্বতে চলি আছে কয়লাৰ অবৈধ ব্যৱসায়৷ কয়লা ছিণ্ডিকেটৰ ধন বিভিন্ন ঠাইলৈ যায়৷ ক’লৈ যায় কয়লা ছিণ্ডিকেটৰ ধনৰ ভাগ? মাৰ্ঘেৰিটাৰ বিধায়ক ভাস্কৰ শৰ্মা আৰু শদিয়াৰ বিধায়ক বলীন চেতিয়া কয়লা ছিণ্ডিকেটৰ চৰ্দাৰ৷ এই দুজন বিজেপি বিধায়কে মাৰ্ঘেৰিটাত গঢ়ি তুলিছে বিশাল কয়লা ছিণ্ডিকেট– যাৰ কমিছনৰ লেনদেন হয় ডিব্ৰুগড়ৰ মনোহাৰী ৰিজ’ৰ্টত৷’ –এই গুৰুতৰ অভিযোগ অসম জাতীয় পৰিষদৰ সভাপতি লুৰিণজ্যোতি গগৈৰ৷ আজি এক সংবাদমেলত তেওঁ এই অভিযোগ উত্থাপন কৰে৷ উল্লেখ্য, অবৈধ কলয়া খননত জড়িত তিনিজন শ্ৰমিকৰ শোকাৱহ মৃত্যুৰ পাছতো তিনিচুকীয়া জিলাৰ মাৰ্ঘেৰিটা, লিডুত কয়লাৰ অবৈধ খনন অব্যাহত আছে৷ কিন্তু চৰকাৰে এই ক্ষেত্ৰত কোনো ব্যৱস্থা গ্ৰহণ নকৰাত তীব্ৰ প্ৰতিক্ৰিয়াৰ সৃষ্টি হৈছে৷ কেইদিন মানৰ পূৰ্বে কয়লাৰ অবৈধ কয়লাখনিত তিনিজন শ্ৰমিক নিহত হোৱাৰ পাছত তেওঁলোকৰ মৃতদেহ লুকুৱাই ৰাখি সমস্ত ঘটনা গাপ দিবলৈ চেষ্টা কৰিছিল৷ ইমানৰ পাছতো চৰকাৰে ব্যৱস্থা গ্ৰহণ নকৰাত লুৰিণজ্যোতি গগৈয়ে চৰকাৰখনক কঠোৰ ভাষাৰে সমালোচনা কৰে৷ তেওঁ লগতে কয় যে মুখ্যমন্ত্ৰী হিমন্ত বিশ্ব শৰ্মাই দেশৰ প্ৰধানমন্ত্ৰী হোৱাৰ সপোন দেখি আছে৷ যাৰ বাবে অসমৰ ভূমি, ৰাজহুৱা সম্পত্তি এটাৰ পাছত এটাকৈ যোগগুৰু, ধৰ্মগুৰু, আদানী, আম্বানীক বিক্ৰী কৰিছে৷ এই সপোন সাকাৰ কৰিবলৈকে অসমৰ কাষৰীয়া ৰাজ্যসমূহৰ লগত সীমাবিবাদ সমাধান কৰাৰ নামত অসমৰ ভূমি এৰি দিছে৷ এয়া সীমা সমস্যাৰ সমাধান নহয়, এইয়া আত্মসমৰ্পণহে বুলি লুৰিণজ্যোতিয়ে মন্তব্য কৰে৷ তেওঁ সংবাদমেলত কয় যে বিজেপি চৰকাৰখনে কেৱল দুৰ্নীতি, ভ্ৰষ্টাচাৰ, মিছা আশ্বাস দি অসমৰ ৰাইজক বিপথে পৰিচালিত কৰিছে৷ কেৱল ব্যক্তিগত স্বাৰ্থ সিদ্ধিৰ বাবে অসমৰ উন্নয়ন স্থবিৰ হৈ পৰিছে৷ তিনিচুকীয়া জিলাই ৰাজহ যোগান ধৰাৰ ক্ষেত্ৰত বহু আগত থাকিলেও ১০ বছৰে জিলাখনৰ কোনো উন্নয়ন হোৱা নাই৷ জিলাখনত ৫ জন বিজেপিৰ বিধায়ক থকা সত্বেও এনেদৰে চৰকাৰখনে উপেক্ষা কৰাত তেওঁ প্ৰতিক্ৰিয়া ব্যক্ত কৰে৷ একেদৰে বিজেপি শাসিত তিনিচুকীয়া পৌৰসভাতো কেৱল ক্ষমতাকেন্দ্ৰিক যুঁজ বাগৰৰ বাবে তিনিচুকীয়া চহৰৰ উন্নয়ন পিছ পৰি আছে বুলি তেওঁ অভিযোগ কৰে৷ তেওঁ লগতে তিনিচুকীয়াৰ কীৰ্তিচিহ্নসমূহ সংৰক্ষণ কৰিবলৈও দাবী জনায়৷ সংবাদমেলত দলটোৰ জিলা সমিতিৰ সভাপতি ইজৰাইল নন্দ, টিংখাং সমষ্টিৰ প্ৰাক্তন বিধায়ক অনুপ ফুকন, সঞ্জয় দেৱ আদি নেতাসকলো উপস্থিত থাকে৷
ओम धगाल - पूर्व प्रदेश कार्यकारिणी सदस्य भाजपा युवा मोर्चा
ओम धगाल की और से हिंडोली विधानसभा क्षेत्र एवं बूंदी जिले वासियों को रौशनी के त्यौहार दीपावली की हार्दिक बधाई व शुभकामनाएं
